Imma do some mining!

Име на игра: Minecraft
Тип на игра: Adventure
Датум на излегување: ноември 2011 година (достапна беше и порано во alpha и beta верзии)
Линк од гејмплеј: http://www.youtube.com/watch?v=caYql4vG9LE (лош гејмплеј but it's Tobuscus)
Фирма: Mojang AB
Достапна на: PC, MAC, UNIX (постои и посебна XBOX360 верзија)

    Толку саати потрошени на оваа игра... Minecraft е една од инди игрите што се рашири толку масовно низ целиот свет, што сега не ни може да се нарекува инди игра. Во оваа игра почнуваш без ништо. Немаш никаква задача или мисија која треба да ја извршиш. Слободен да правиш што сакаш, поточно како те водат инстиктите. Постојат најразлични рерурси кои со комбинирање се прават потребни алатки за да ја преживееш ноќта. Овој аспект ја прави Minecraft прилично тешка, со оглед дека нема никаков tutorial за да ти помогне и покаже што да правиш. Благодарение на голем број на посветени играчи, постојат форуми и wiki страни кои можат да ти помогнат за се. Ако сакаш да играш солидно, треба да поминеш многу време во читање или да имаш некој што веќе е запознаен со играта за да ти го олесни твоето играње.

   Minecraft не е само авантуристичка игра. Поради дадената слобода и големиот број на ресурси, многу луѓе преку оваа игра си ги искажуваат своите уметнички способности преку pixel art. Многу луѓе ја преработуваат играта и прават mods (модови) кои можат да ги прошират можностите за играње. Воедно и изгледот преку големиот број на постоечки texture packs. Едноставно преку Minecraft можеш да прави што сакаш. Има канали на јутуб како на пример Sky Does Minecraft, Minecraft Universe, Deadlox и многу други кои се посветени на оваа игра и прават reviews за некои од попознатите и подобрите модови воедно и gameplays на мапи направени за паркур, авантури, загатки и слично. Ако сакате да дознаете повеќе, симнете си ја сами и уверете се дека Minecraft е феноменална игра за сите луѓе од сите возрасти.

Haters gonna hate.

Gimme some meat!

Име на игра: Super Meat boy

Тип на игра: Action, Platform

Датум на излегување: октомври 2010 година

Линк од гејмплеј: http://www.youtube.com/watch?v=2ohjyhICYco

Фирма: Team Meat

Достапна на: PC, Wii, XBOX 360, MAC, UNIX

   Оваа игра ми откорна нервите. Не ни ја имам завршено дека при крајот на играта нивоата стануваат толку тешки што би се откажал за 5 минути. А јас како што сакам да ги завршувам во рекордно време уште толку повеќе се нервирам. Дечките од Team Meat се потрудиле максимално да направат игра која ќе те врати назад некои 20 години кога голем број од платформските игри беа ужасно тешки. Но Super Meat Boy те наградува убаво откако ќе завршиш одредено ниво. Добрата анимација, цврстите контроли и забавната музика постојано ќе те носи напред. Цело време ќе си викаш: "Ај уште едно ниво", лажејќи се себеси додека гледаш во екранот и скокаш насекаде со тоа мало парче живо месо што остава крвави траги насекаде. 

   Super Meat Boy прво почна како мала flash игра на Newgrounds со неколку мали и интересни нивоа. После голем број на задоволни играчи и дадената можност да се промовираат на Xbox live, двајцата другари Edmund McMillen и Tommy Refenes решија да ја направат во целосна игра. И стварно го направија тоа. Со повеќе од 300 нивоа исполнети со најразлични стапици имаш многу за играње.  И верувај ми, ќе умреш милион пати! Но сепак, тоа не треба да те бутка наназад. Задоволството на крајот од секое ниво кога Meat boy ќе си ја гушне девојката Bandage girl (игнорирајќи го фактот дека твојот непријател Dr. Fetus одма ја трга од твоите раце) е секогаш добро. 

OH NOES MEAT ON MAH FACE!

Time to save the princess!

Име на игра: Braid
Тип на игра: Action, Platform, Puzzle
Датум на излегување: август 2008 година
Линк од гејмплеј: http://www.youtube.com/watch?v=QxXkcg-stLE
Фирма: Number One Inc.
Достапна на: PC, PS3, XBOX 360, UNIX, MAC

    Braid претставува уметничко дело во гејминг индустријата. Оваа креација е целосно направена од Jonathan Blow. Од програмирањето до музиката во играта. Многу луѓе ја нарекуваат Super Mario верзијата на Prince of Persia поради механиката за враќање на времето. Поради тоа, во оваа игра никогаш не можеш да изгубиш. Braid е исполнет со прекрасно компонирана музика која е совршено вметната со деталноста на нивоата. Контролите е толку добро програмирани што никогаш нема да ти направат проблем. 

   Иако типот на играта е акција, не е толку едноставна. Има загатки кои ќе те заглават над пола саат само поради техниката на кои се направени. Играта е составена од 7 света, кои сите се различни во начинот на кој функционира контролата за враќање на времето. Braid има едноставна приказна: спаси ја принцезата. На почетокот на секој свет има мали книгички кои ти ја доловуваат приказната во неколку реченици.

  Braid е една од тие игри кои те тераат да размислуваш на специфичен начин кои најчесто доведуваат до фрустрација. Но со помош на убаво нацртаните мапи и прекрасната музика, тоа никогаш нема да се случи. Оваа игра не смее да се пропушти.

Ммммм јес пита..

It's easy as goo pie!

Име на игра: World of Goo
Тип на игра: Puzzle
Датум на излегување: октомври, 2008 година
Линк од гејмплеј: http://www.youtube.com/watch?v=QaH3_zmQvSA
Фирма: 2D Boy
Достапна на: PC, Wii, iPhone, Android, MAC, UNIX

    Многу заразна игра! Кога ја најдов на интернет не очекував дека ќе биде толку добра.
World of Goo воведе нов начин на играње. Многу останати фирми ја имаат искористено механиката на која работи играта  во нивните игри.

   Играта се состои од многу варијабилен гејмплеј кој нема никогаш да дозволи да ти биде досадно. Приказната и елементите се исполнети со чуден хумор кој ќе те следи се до последното ниво. Треба малку време за да се научи механиката на која се работи, но со вежбање и со малце логика нивоата почнуваат да стануваат полесни. Секако World of Goo не е некоја репетивна игра што може за саат време да се помине. Постојано ти доаѓаат нови предизвици кои те тераат да размислуваш малце поинаку.

   Просечно е потребно некои 12 саати играње за да се заврши играта. Може и повеќе за тие што им е малку потешко да ја ракуваат механиката. Во секој случај ова е уникатна игра која беше номинирана од страна на Gamespot за игра на годината во 2008ма. Можеби не е од тие типови на игри кои можеш да ги играш од почеток повеќе пати но во секој случај, World of Goo се покажа како забавна, смешна и солидна игра.

Random link alert!

Дефиниција на поимот инди игра (indie game)

      Инди игра (indie game) преставува видео игра направена од мала група на луѓе (можно е и само еден да биде) без приврзаност со големи компании воедно и одреден буџет. Ова си има своја добра и лоша страна. Лошата страна е што шансите играта воопшто да ти биде играна и да заработуваш со нејзе се мали. Добрата страна е што воопшто не си лимитиран. Никој не треба да ти одобри дали играта или некои елементи од играта се прифатливи според некои стандарди. Единствена лимитација е фантазијата на креаторот, и неговите способности да ја програмира.


    Постојат најразлични видови на инди игри. Воедно се прават и за различни видови на конзоли (најмногу за PC но полека почнуваат да се зголемуваат и за Xbox 360). Некои повеќе личат на уметнички дела наменети за релаксација. Други се наклонети кон хардкор гејмери кои се носталгични за брзи и тешки платформски игри. Во секој случај разновидноста на инди игрите е бескрајна.
   

    Можам многу повеќе да пишува во врска со ова но мислам дека основното е поминато.

Чисто информативно планирам на секој пост на крај да има некое глупаво гифче (благодарение на безконечните ресурси на tumblr <3 ). And here it is!

Helloooo there!

Овој блог е наменет за прегледување на игри, поточно на инди игри. Ќе се обидам да ги поминам повеќето игри што јас лично ги имам играно за целосно и убаво да опишам се што може и треба. До тогаш занимавајте се со пингвинчево.